Ayon sa inisyal na imbestigasyon, hindi nakayanan ng trailer truck ang akyatan ng kalsada at umatras, dahilan para madaganan ang ibang sasakyan matapos tumagilid ang dalang container van. Isa sa mga nasawi ay 53-anyos na jeepney driver, na natagpuan sa ilalim ng van gamit ang crane at backhoe. Nasawi rin ang mag-ina na sakay ng sedan.
Umabot sa mahigit 6 na oras ang rescue operation ng mga tauhan ng BFP, PNP, DRRMO, LGU, at mga volunteer. Isa sa mga nakaligtas ay babae na ipit sa jeep, na maingat na naialis at nadala sa ospital. Ilan sa mga nakaligtas ay nagkuwento kung paanong bigla at mabilis ang nangyari, at sinabing buti na lang ay buhay pa sila.
Kasalukuyang nasa Marikina Police Custodial Facility ang driver ng trailer truck habang nagpapatuloy ang imbestigasyon.
