Isang motorcyclist ang natagpuang patay matapos mahulog sa isang malaking sinkhole sa Seoul, South Korea.
Ang sinkhole, may sukat na 65 talampakan ang lapad at 65 talampakan ang lalim, ay bumukas sa isang intersection sa Myeongil-dong noong Lunes ng hapon. Nakuha ng rescue team ang katawan ng lalaking nasa 30s bago magtanghali noong Martes, ayon kay Kim Chang Seob, isang emergency officer.
Nakita siyang suot pa rin ang helmet at boots, kasama ang kanyang motorcycle at cellphone.
Dahil maraming tubig, lupa, at debris, inabot ng halos 18 oras bago siya matagpuan. Gumamit ang rescuers ng excavator, pala, at iba pang kagamitan sa paghuhukay.
Ang isang babaeng sakay ng van na nadaanan ang sinkhole ay nagkaroon lang ng minor injuries.
Patuloy pa ang imbestigasyon kung ano ang sanhi ng pagguho.
