Arestado sa Quezon City ang isang 34-anyos na babae madaling araw ng Sabado dahil sa carnapping at estafa.
Ayon sa Jose Abad Santos Police sa Maynila, may warrant of arrest na laban sa kanya noon pang 2022, pero nagtatago siya kaya ngayon lang naaresto.
Modus Operandi: Pekeng Car Dealer Scam
Ayon sa PNP, may kasabwat ang babae na nagkukunwaring car dealer agent. Ang style nila, kukuha sila ng sasakyan sa casa, tapos ipapasa ito sa isang lehitimong buyer.
Kapag nabenta na, magpapanggap ang akusado na na-carnap ang sasakyan para hindi na maibalik ang pera ng buyer.
Dating Nobyo, Nabiktima Rin
Lumabas sa imbestigasyon na pati ang ex-boyfriend niya ay naloko rin. Iniwan siya ng akusado at itinakas ang sasakyan ng nobyo.
Inamin ang Isang Scam
Itinanggi ng babae ang mga kaso niya, pero inamin niyang isinangla ang nirentahang sasakyan nang hindi alam ng may-ari. Ginamit niya raw ang P500,000 na nakuha sa sugal.
Sa ngayon, hawak na siya ng Moriones-Tondo Police at haharap sa Anti-Carnapping Law at iba pang kaso ng panloloko.
