Tatlong Pilipino na nabiktima ng scam farm sa Cambodia ay ligtas nang nakauwi sa Pilipinas. Ayon sa NBI, inalok ang mga biktima ng trabahong Customer Service Representative pero pagdating sa Cambodia, pinilit silang magtrabaho sa panloloko ng mga dayuhan.
Dahil ayaw nilang maging bahagi ng iligal na aktibidad, sinubukan nilang tumakas at lumipat ng ibang kumpanya. Sa kasamaang palad, natunton sila ng 15 Chinese na umano’y bumugbog sa kanila bilang parusa.
Matapos ang insidente, nakipag-ugnayan ang mga awtoridad upang mailigtas ang mga biktima at mapauwi sila nang ligtas sa bansa. Sa ngayon, patuloy na iniimbestigahan ng NBI ang insidente upang mabigyan ng hustisya ang mga Pilipinong biktima at mahuli ang mga nasa likod ng scam farm na ito.
Ang pangyayaring ito ay paalala na maging maingat sa mga job offer, lalo na sa mga alok na nangangailangan ng pagbiyahe sa ibang bansa.
