Si Sen. Bato Dela Rosa ay nagpahayag ng kagustuhang sumunod kay dating Pangulong Rodrigo Duterte matapos itong arestuhin ng International Criminal Court (ICC) dahil sa kasong crimes against humanity.
Matapos lumabas ang balitang dadalhin si Duterte sa Netherlands para harapin ang paglilitis, agad na nakita si Sen. Bong Go sa Villamor Airbase kung saan naka-detain si Duterte. Naghahatid pa ito ng pizza para sa dating pangulo.
Marami ang nagtanong kung nasaan si Dela Rosa, isa sa mga pangunahing tagapagpatupad ng kampanya kontra droga ni Duterte.
Sa wakas ay nagsalita na si Dela Rosa, na sinabing:
"Handa akong sumama sa matandang 'yan kung papayagan nila akong alagaan siya."
Ikinumpara rin ni Dela Rosa ang sitwasyon ni Duterte sa kaso ni Apollo Quiboloy, na hinanap ng PNP gamit umano ang heartbeat detector sa ilalim ng lupa noong 2024.
Ayon kay Dela Rosa:
"Kung maubos na lahat ng legal na paraan at wala pa ring hustisya, ayokong magdusa ang pamilya ko sa paghahanap ng pulis sa tibok ng puso."
‘Sh*t Happens’
Si Dela Rosa ay naging unang PNP chief sa ilalim ng administrasyong Duterte na siyang nagpatupad ng madugong kampanya kontra droga. Tinatayang nasa 6,000 hanggang 30,000 katao ang nasawi sa kampanyang ito.
Isa sa mga biktima ay isang 3-taong gulang na bata mula sa Rizal na nadamay sa isang police operation noong 2019 matapos umanong "manlaban" ang kanyang ama.
Nang tanungin si Dela Rosa tungkol sa insidente, ito ang kanyang sagot:
"Sht happens."
Pinangalanan si Dela Rosa bilang isa sa mga suspek sa kasong isinampa sa ICC ng dating senador na si Antonio Trillanes.
