TikTok star na si Dominique McShain ay pumanaw na sa edad na 21, ayon sa ulat ng PEOPLE Magazine. Isang taon matapos niyang ibahagi na siya ay may hindi magagamot na colorectal cancer, tuluyan na siyang namaalam.
Sa kanyang huling Instagram post noong Abril 6, sinabi niyang ang kanyang atay ay bumabagsak at ang cancer ay mabilis na kumakalat. Dahil dito, hindi na siya pwedeng tumanggap ng gamot o chemotherapy. Nag-focus na lamang siya sa pag-alis ng sakit habang nasa ospital at hospice care.
Aniya, kahit maiksi ang kanyang buhay, naniniwala siyang na-enjoy niya ito nang buo. Pinasalamatan niya ang kanyang pamilya at mga kaibigan na handang mag-donate ng atay kung puwede lang. Nabanggit din niya na iniisip niya ang langit, kung saan wala nang sakit at pagdurusa.
Noong Abril 2024, unang ibinahagi ni McShain ang tungkol sa kanyang cancer. Huminto siya sa pag-aaral para makapagpagamot. Kilala siya sa social media kung saan may 11,000 followers sa Instagram at halos 200,000 followers sa TikTok. Ginamit niya ang kanyang platform para magbahagi ng kanyang laban sa sakit at magbigay-inspirasyon sa iba.
