Isang babaeng STL collector na itinago sa pangalang Grace ang natagpuang patay sa isang kakahuyan sa Brgy. Ibabang Bulo, Unisan, Quezon noong Linggo ng gabi.
Ayon sa Quezon Police, inutusan umano si Grace ng kanyang ina na mag-remit ng koleksyon sa Brgy. Ibabang Panaon.
Nang hindi pa rin umuuwi si Grace pagsapit ng gabi, humingi ng tulong ang kanyang ina sa mga kapitbahay at barangay tanod upang siya ay hanapin.
Kalaunan, natagpuan ang bangkay ni Grace sa isang kakahuyan. Napansin na siya ay walang saplot pang-ibaba, kaya pinaghihinalaan ng mga awtoridad na siya ay maaaring ginahasa bago pinatay.
Patuloy pa rin ang masusing imbestigasyon ng mga awtoridad upang matukoy ang salarin sa krimeng ito.
