Nagpakilala ang Peugeot ng isang matinding concept car na ginawa para sa legendary Pikes Peak hill climb. Inspired ito sa classic 1968 Peugeot 504, kasama ang Break wagon variant nito.
Mula sa malikhaing isip ng Peugeot Design Lab, ang race-ready concept na ito ay tribute sa French rap group na 113. Bukod sa agresibong itsura, mapapansin ang ultra-wide fender flares, dual-wing setup, at stripped-down interior na may pink plaid upholstery. Ang orihinal na eleganteng disenyo ng 504 ay binigyang-buhay sa isang modern at astig na paraan.
May isa pang version na "made for drift," na mas pina-wild pa ang hitsura. Kakaiba ang asymmetrical tire setup, stacked roof rack, at rectangular yoke steering wheel. Pero ang pinaka-cool na detalye? May turntable sa loob para sa solid na music vibes habang nagda-drift!
Wala pang detalye kung may plano ang Peugeot na gawin itong production car, pero sapat na ang itsura nito para magpasabik sa car enthusiasts at motorsport fans!
