Hindi lang bulaklak ang hatid ni JISOO ngayong Araw ng mga Puso!
Ngayong Pebrero 14, inilabas ng BLACKPINK member ang kanyang matagal nang inaabangang debut mini-album na AMORTAGE. Ito ang kanyang unang musical release mula noong 2023. Sa bagong EP na ito, ipinapakilala niya ang apat na bagong kanta: “earthquake,” “Your Love,” “TEARS,” at “Hugs & Kisses.”
Sa bawat track, lalo pang lumakas at tumingkad ang kanyang boses, na nagbibigay ng kakaibang pop girl twist sa tradisyunal na love song.
Kasabay ng paglabas ng “earthquake,” inilunsad din ni JISOO ang isang makabagbag-damdaming music video. Panoorin ito sa ibaba:
Bukod dito, mag-uumpisa rin si JISOO sa kanyang LIGHTS, LOVE, ACTION! Fanmeet Tour ngayong taon, kung saan kabilang ang Manila sa kanyang mga bibisitahing lungsod. Samantala, inanunsyo rin ng BLACKPINK ang kanilang 2025 world tour, kaya abangan ang higit pang detalye tungkol dito.
Pakinggan ang buong EP na AMORTAGE sa ibaba!
