Inanunsyo ng ABS-CBN na pwedeng nang mag-book ng round-trip shuttle service para makapunta sa BINI's "BINIverse World Tour" concert sa Philippine Arena, Bocaue, Bulacan.
Ang shuttle service papunta at pabalik mula sa venue ay available na sa tridemtickets.com. May mga main pick-up points sa Solaire ASEAN Open Parking, One Ayala Terminal Makati, UPark Megamall, Baliwag Bus Terminal Cubao, at SM City North Edsa.
Nagsimula na ang BINI, ang eight-member Filipino group, sa kanilang rehearsals para sa "BINIverse World Tour: Philippines" na tiyak magdadala ng fresh at exciting na mga performances, kabilang na ang kanilang bagong international single, “Blink Twice.” Ang kanta ay available sa digital platforms simula February 13, dalawang araw bago ang concert.
Mabilis na na-sold out ang VIP at lower box A premium tickets, pero may mga lower box, upper box, at general admission tickets pa na pwede mong bilhin sa pulptickets.com at ticketnet.com.ph.
Matapos ang Philippine legend tour, magpapatuloy ang "BINIverse World Tour" sa Singapore, Dubai, London, at United States.
