Inanunsyo na ng Rockstar Games ang matagal nang hinihintay na pagdating ng Red Dead Redemption sa PC!
Magsisimula na ito sa Steam at Epic Games Store sa October 29. Ang laro ay na-update para sa PC platform para suportahan ang native 4K resolution na umaabot sa 144hz sa mga compatible hardware, monitor na may 21:9 at 32:9 na sukat, HDR10, at keyboard at mouse functionality. “May suporta rin ito para sa NVIDIA DLSS 3.7 at AMD FSR 3.0 na upscaling technologies, NVIDIA DLSS Frame Generation, adjustable draw distances, shadow quality settings, at marami pang iba,” kumpirmado ng Rockstar, na nakipagtulungan sa Double Eleven para mapaganda ang paboritong laro.
Bukod sa regular na bersyon ng Red Dead, kasama na rin sa PC purchase ang Undead Nightmare DLC ng laro — kung saan ang mundo ng laro ay pinasok ng mga zombie!
Ang orihinal na Red Dead Redemption ay inilabas noong Mayo 2010 para sa PlayStation 3 at Xbox 360, at sinundan ang kwento ni outlaw John Marston na kailangang habulin ang tatlong miyembro ng kanyang dating gang kapalit ng ligtas na pagbabalik ng kanyang asawa at anak. Nakuha ng laro ang maraming award, kasama na ang Game of the Year, at malawakang itinuturing na isa sa pinakamagandang video games sa lahat ng panahon. Sinundan ito ng prequel na inilabas noong 2018, na nakatuon sa kasamang gang ni Marston na si Arthur Morgan.
Panuorin ang trailer sa itaas. Red Dead Redemption ay magiging available sa Oktubre 29.
