Nagpakilala ang Ford ng isang one-of-a-kind na Bronco Sasquatch Searcher SUV, na dinisenyo partikular para sa isang maswerteng winner na gustong sumabak sa ultimate adventure — ang paghahanap sa mailap na Sasquatch. Ang unique na Bronco na ito ang highlight ng bagong pa-sweepstakes ng Ford, na sinimulan sa Ford Bronco Instagram account.
Base ito sa two-door Bronco Badlands Sasquatch, at ang Sasquatch Searcher ay kumpleto sa kagamitan para sa outdoor expedition. Ilan sa mga key features nito ay ang tree camo exterior wrap, roof-mounted light bar, front at rear-facing cameras, at customized interior para sa matagalang tracking sessions. Mayroon din itong Sasquatch-themed badges at accessories, na talagang nagpapatingkad sa pagiging unique ng sasakyan na ito.
Ang mga sasali sa sweepstakes ay hinahamon na lutasin ang mystery clues na makikita sa iba't ibang social media platforms, Reddit, at maging sa mga physical posters at street signs sa mga posibleng Sasquatch hotspots. Ang pinaka-premyo? Ang mismong Bronco Sasquatch Searcher.
Para sa mga hindi papalarin manalo, available ang Sasquatch package sa lahat ng Bronco trims at pati na rin sa 2025 Bronco Sport Outer Banks at Badlands. Para sumali sa adventure na ito, pwedeng i-follow ng mga fans ang Ford Bronco Instagram para sa karagdagang detalye at updates.
