Ang paboritong Vans Warped Tour ay magbabalik sa 2025.
Kinumpirma ng founder na si Kevin Lyman ang balitang ito habang ipinagdiriwang ang ika-30 anibersaryo ng festival. "May niluluto kami para sa 2025. Makukuha na ang mga detalye sa loob ng ilang linggo," ayon kay Lyman sa kanyang panayam sa Pollstar, bagamat wala pang karagdagang detalye tungkol sa lineup, petsa, at mga lungsod na kasama sa tour.
Nagsimula ang Vans Warped Tour noong 1995 at sumikat dahil sa pagbibigay ng spotlight sa mga rising rock, punk, at pop-punk bands tulad ng Paramore, Fall Out Boy, My Chemical Romance, blink-182, at marami pang iba. Pero bukod sa rock, nagkaroon din ito ng mga performances mula sa ibang genre tulad ni M.I.A., Machine Gun Kelly, Eminem, at kahit si Ice-T. Ang huling tour nito ay naganap noong Summer 2019 bilang pagdiriwang ng ika-25 anibersaryo ng festival.
