Inilunsad ng Marikina City ang Car-Free Sundays para hikayatin ang mga residente na maging mas aktibo at malusog.
Tuwing Linggo, mula 6 AM hanggang 10 AM, isasara sa sasakyan ang bahagi ng Gil Fernando Avenue (mula Guerilla Street/Xeland Marikina hanggang Comedor Restaurant) para bigyang-daan ang paglalakad, pagbibisikleta, jogging, Zumba, at iba pang outdoor activities sa 700-meter stretch ng kalsada.
"Ito ay para mabigyan ang ating mga residente ng safe at malinis na lugar kung saan puwede silang maglakad, mag-bike, at makasama ang kanilang pamilya at kaibigan," sabi ni Mayor Marcelino Teodoro sa paglulunsad ng "Marikina Together: Car-Free Sundays."
"Gusto rin nating ipakita na may espasyo sa ating lungsod para sa active lifestyle," dagdag pa niya.
Bukod sa healthy benefits, sinabi rin ni Teodoro na nakakatulong ito sa environment dahil nababawasan ang polusyon at ingay sa lungsod.
"Mas malinis ang hangin at mas tahimik ang paligid kapag nababawasan ang sasakyan sa kalsada," paliwanag niya.
