Si Honkon, isang young music producer sa Japan, ay nag-ipon ng 10 taon para mabili ang kanyang pangarap na Ferrari 458 Spider. Isang malaking tagumpay para sa kanya, lalo na’t may label siyang Chocorabi, isang Japanese idol group. Sa wakas, natupad na ang kanyang pangarap. Pero, sa hindi inaasahang pangyayari, ilang minuto lang ang kanyang na-enjoy na saksi sa nasunog niyang Ferrari.
Habang nagta-test drive si Honkon sa Shuto Expressway, Tokyo noong April 16, 2025, napansin niyang may puting usok na lumalabas mula sa kanyang sasakyan. Una niyang inisip na baka galing ito sa ibang kotse, pero nang lumakas ang usok, natiyak niyang ang Ferrari niya ang may problema. Agad siyang huminto, tumawid sa labas ng sasakyan, at tinawag ang fire department. Sa loob ng 20 minuto, ang pangarap niyang Ferrari ay nawala na lang sa kanyang harapan.
Sa kanyang post sa X, nagbahagi si Honkon ng larawan ng nasunog niyang Ferrari at sinabi, "I spent 43 million yen and all I got was this photo." Ang halagang iyon ay tumataginting na PHP17,312,402.30. Sinabi ni Honkon na siguro siya lang ang tao sa Japan na nakaranas ng ganitong kabiguan. Ngunit sa kabila ng lahat ng ito, nagpapasalamat siya na hindi siya nasaktan at hindi nangyari ang mas malala.
