Sa China, bumababa ang bilang ng marriage registrations—mula 7.7 milyon noong nakaraang taon, naging 6.1 milyon na lang ngayon. Dahil dito, iminungkahi ni Chen Songxi na ibaba ang legal na edad ng pag-aasawa mula 22 hanggang 18.
Maraming dahilan kung bakit bumababa ang kasal: lumalala ang economic pressures, nag-iiba ang social attitudes, at tumataas ang antas ng edukasyon. Lalo na sa mga urban na kababaihan, unti-unti nang tinatanggihan ang tradisyunal na role bilang asawa at ina, at nahihirapan mag-asawa dahil sa mataas na living costs.
May problema rin sa gender imbalance dahil sa dati nang one-child policy at pabor sa mga lalaki. Dahil dito, maraming lalaki—lalo na noong dekada 80—ang tinawag na "leftover men" dahil hirap silang makahanap ng asawa. Kaya may ilan na nagrerekluta ng mga dayuhang brides mula sa mga kalapit na bansa tulad ng Myanmar at Vietnam.
Ang mga dayuhang brides na ito ay kadalasang napupunta sa illegal na matchmaking networks o commercial agencies. Ayon sa Human Rights Watch, maraming babae at bata ang nadadala sa China dahil sa mapanlinlang na pangako ng magandang trabaho. Minsan, nagiging biktima sila ng mga traffickers na nagbebenta ng mga ito sa halagang US$3,000 hanggang US$13,000.
Upang labanan ang human trafficking, inilunsad ng Ministry of Public Security ng China ang kampanya noong Marso 2024 laban sa transnational trafficking ng mga babae at bata. Ibig sabihin, sinusubukan ng gobyerno na itigil ang mga illegal cross-border marriages at ang scam sa tinatawag na “marriage tours” kung saan dinadaya ang mga lalaki.
