Ayon sa ulat, inaresto si Duterte sa Ninoy Aquino International Airport (NAIA) matapos siyang bumalik mula sa kanyang pagbisita sa mga Pilipino sa Hong Kong.
Ang warrant ay may kaugnayan sa imbestigasyon ng ICC sa libu-libong umano'y state-sanctioned killings na nangyari sa ilalim ng kanyang kampanya laban sa droga, na posibleng ituring na krimen laban sa sangkatauhan.
Kabilang din sa imbestigasyon ang sinasabing operasyon ng Davao Death Squad noong siya ay mayor pa ng Davao City.
Ang warrant of arrest ay nilagdaan ng mga sumusunod na hukom:
Judge Iulia Antoanella Motoc – Pinuno ng Pre-Trial Chamber I ng ICC
Judge Reine Adelaide Sophie Alapini-Gansou – Dating tagapangulo ng African Commission on Human and Peoples' Rights
Judge Maria del Socorro Flores Liera – Dating Permanent Representative ng Mexico sa United Nations
Judge Iulia Antoanella Motoc ay isang kilalang propesor ng International Law at dating hukom sa European Court of Human Rights. Siya rin ay naglingkod bilang UN Special Rapporteur para sa Democratic Republic of Congo.
Judge Reine Alapini-Gansou ay isang batikang abogado mula sa Benin at dating bahagi ng African Commission on Human and Peoples' Rights.
Judge Maria del Socorro Flores Liera ay isang abogado mula sa Mexico na naging mahalagang bahagi sa pagbuo ng Rome Statute na lumikha sa ICC.
