Maraming Pilipino ang naninirahan sa Singapore, ngunit matagal nang kulang ang high-quality Filipino dining sa bansa. Ngayon, binuksan ng The Moment Group ang hayop, isang fine casual restaurant, bilang international spin-off ng Manam.
Authentic at Nostalgic
Co-founder Abba Napa nagdesisyong magbukas sa Singapore matapos ang matagumpay na 2019 pop-up. Layunin nilang lumikha ng isang dining space kung saan maipagmamalaki ng mga Pilipino ang kanilang lutuing pambansa.
Sarap ng Lutong Bahay, Pero Level-Up
Nag-aalok ang hayop ng mga paboritong Manam dishes tulad ng Crispy Palabok, Wagyu Watermelon Sinigang, House Crispy Sisig, at Ube Shake, kasama ang bago at modernong twist sa Filipino cuisine.
- Inasal na Panga – Charcoal-grilled maguro jaw na may annatto, calamansi, at lemongrass oil.
- Adobong Dilaw – Adobong puti na may turmeric at roasted bone marrow.
- Buko Pie – May parmesan crumble with whipped coconut cream.
Cocktail Bar na May Filipino Twist
May cocktail menu rin ang hayop na sumasalamin sa Filipino flavors: Asim, Alat, Tamis, Pait, Anghang, at Malinamnam.
Siksikan Gabi-Gabi!
Simula nang magbukas noong Hulyo 2024, puno ang hayop gabi-gabi—patunay na tinatangkilik ito ng mga Pilipino at Singaporeans.
Para kay Abba Napa, mas inuuna nilang palakasin ang Singapore branch bago mag-isip ng expansion. “Gusto naming maging tahanan ito ng Filipino cuisine sa Singapore.”
