Binasag na nga ba ni Pernilla Sjöö ang kanyang katahimikan matapos ma-link sa usap-usapang hiwalayan nina Andi Eigenmann at Philmar Alipayo?
“Pasensya na, guys, pero huwag niyong kalimutan na mahal ko ang Pilipinas,” saad ni Pernilla kalakip ang isang larawan kung saan nakasuot siya ng sportswear outfit.
Bukod dito, may mas mahaba pang pahayag ang underwater photographer, na nakatira na sa Siargao mula pa noong 2013.
“Hindi ko lang maintindihan kung bakit may mga tao na puno ng galit ang kanilang isipan at katawan. Sana kung gagawa ka ng nakakasakit na komento, kaya mo pa ring matulog nang mahimbing sa gabi at ngumiti kahit alam mong may nasaktan kang iba. Tao rin naman ako. Nasasaktan din ako, at kung sobra na, masakit ito,” sabi ni Pernilla.
Dagdag pa niya, umaasa siyang magiging mabait ang publiko sa kanya.
“Lahat tayo may pinagdadaanan. Pwede bang subukan nating maging mabait sa isa’t isa? Naman. Wala akong intensyon na manakit ng iba. Kung magiging mabait ka sa akin, mas magiging mabait din ako sa'yo. Huwag basta manghusga nang hindi alam ang buong kuwento. Akala mo naiintindihan mo, pero hindi pala,” saad niya.
KAPAG NETIZENS ANG NAG-IMBESTIGA
Matatandaang si Pernilla ang itinuturo ng mga netizen na pinatatamaan ni Andi sa ilan niyang social media posts tungkol sa isang traydor na kaibigan.
Pagbubulgar ni Andi, kumuha raw ng couples’ tattoo ang asawa niyang si Philmar kasama ang isang kaibigang babae.
“Sa tingin mo ba nakakapagduda kapag inimbitahan ng isang kaibigan ang asawa mo para magpa-tattoo ng love couples tattoo nang hindi ka man lang sinabihan o kinunsulta?” post ni Andi sa kanyang Instagram noong gabi ng Biyernes, Enero 31.
At sa pag-iimbestiga ng mga netizen, nakita ang larawan nina Philmar at Pernilla na may parehong tattoo na "224."
Nakita rin ng netizens na naka-unfollow na sina Andi at Philmar sa isa’t isa, kaya’t lalong umugong ang usapang hiwalayan.
Pitong taon na ang relasyon ng dating Kapamilya actress at ng surfing instructor. Engaged na sila noong 2020, at may tatlo silang anak.
